Загубените музичари

Иако новелите на Вилијам Хајнесен се во голема мера фарски, тие се толку универзални што читателот автоматски им се предава на нивната магија, нивната енергија и интензитет и бива опфатен од перспективите што тие ги нудат.

The Independent

Музиката е во срцето на оваа книга. Преданоста на група музичари-аматери коишто го прават квартетот Боман, ќе спречи серија од драматични настани да се претвори во тажна трагедија. Музиката му овозможува на секој од нив да се издигне над сопствената мрачна ситуација. Но, таму има и хумор, особено во сатиричното портретирање на локалните членови на сектата предводена од банкарскиот менаџер Анкерсен, додека тие залудно се обидуваат да им го скршат духот на музичарите. Тука е и многу поприземниот хумор на Јаниксен, огромниот ковач којшто е целосно под власт на неговата теснограда жена, припадник на сектата.

Дејството се одвива во мал фарски град на почетокот од XX век, којшто денес е главниот град на Фарските Острови, Торсхавн.