Најхрабриот морепловец на светот

Ада многу се плашеше од морето.

Никогаш немаше излезено надвор од гратчето во кое живееше.
Еден ден, еден стар капетан спомена магичен напиток што се наоѓа на крајот на морињата и му дава храброст на оној што ќе го испие.
Тој рече дека да се изведе ова патување било премногу тешко, а да се стигне до шишето било невозможно.
А камоли за Ада, која ја немаше брцнато дури ни ногата во морето...
Но, Ада веќе си имаше намислено: ќе го земе магичниот напиток и така ќе стане бестрашна морепловка.
Ја очекуваше патување кое колку што беше опасно, беше и тешко. Требаше да преброди средби со огромни октоподи, немилосрдни гусари, таинствени мориња од кои не се спасил ниту еден брод и страшното чудовиште што го чуваше магичниот напиток.